အတူတကွ စုပေါင်းလုပ်ဆောင်ခြင်း

ဂျိုးသည် တစ်နေ့လျှင် ၁၂ နာရီ ကျော်မျှ အလုပ်လုပ်ပြီး မကြာခဏဆိုသလို မနားဘဲ ဆက်တိုက်လုပ်လေ့ရှိသည်။ အချိန်နှင့်အင်အား အတော်စိုက်ရသော လူမှုရေးလုပ်ငန်းကို စတင်သည် မှစ၍ ဇနီးနှင့်သားသမီးများအတွက် အချိန်မပေး နိုင်တော့ပါ။ ထိုဖိစီးမှုကို အချိန်ကြာမြင့်စွာခံစားရပြီးနောက် ဂျိုး တစ်ယောက် ဘုံးဘုံးလဲကာ ဆေးရုံတက်ရတော့သည်။ ထိုအခါ သူ့မိတ်ဆွေတစ်ဦးက သူ့ကို ကူညီ နိုင်ရန် အဖွဲ့တစ်ဖွဲ့ကို ဖွဲ့လိုက်သည်။ သူလက်လွတ်ရမည်ကို စိုးရိမ်သော်လည်း နဂိုပုံမှန်အခြေအနေကို သူပြန်မလိုက်နိုင်ကြောင်း ဂျိုးသိသည်။ သို့နှင့် သူ့မိတ်ဆွေနှင့် ဘုရားသခင်ကိုယုံကြည်ပြီး သူတို့အတူတကွ ရွေးချယ်လိုက်သူများအား တာဝန်ခွဲဝေပေးရန်သဘောတူလိုက်သည်။ သူ့အား ဘုရားသခင်ပေးလာသည့် အကူအညီကို သူငြင်းပါက သူ၏လူမှုရေးလုပ်ငန်းနှင့် မိသားစုအတွက် မည်သည့် အကျိုးမျှ ရရှိလိမ့်မည်မဟုတ်ကြောင်း တစ်နှစ်ကြာပြီးနောက်မှ သူဝန်ခံခဲ့သည်။

ချစ်ခင်ရသောလူ့အသိုက်အမြုံ၏ကူညီပံ့ပိုးမှုကိုမယူပဲ မိမိတစ်ကိုယ်တည်း လှုပ်ရှားရုန်းကန်လုပ်ဆောင်ရန် ဘုရားက လူသားများအား ပုံစံမချထားပါ။ ထွက်မြောက်ရာကျမ်း ၁၈…

လှိုင်းစီးခြင်း

ကျွန်မ၏ခင်ပွန်းက ကျောက်ဆောင်ပေါများလှသည့် ကမ်းခြေတစ်လျှောက် အေးအေးလူလူ လမ်းလျှောက်ရင်း ဟာဝါရီမိုးကုတ်စက်ဝိုင်းကို ဓာတ်ပုံရိုက်နေစဉ် ကျွန်မ ကျောက်တုံးကြီးတစ်ခုပေါ်ထိုင်ကာ နောက်တစ်ကြိမ် ဆေးစစ်ရမည့်အရေး အတွက် သောကရောက်နေသည်။ ကျွန်မအိမ်ပြန်ရောက်လျှင် ထိုပြဿနာက စောင့်ကြိုနေမည်ဖြစ်သော်လည်း ထိုအခိုက်အတန့်၌ ငြိမ်သက်ခြင်းကို ကျွန်မ လိုအပ်နေသည်။ တလိမ့်လိမ့်တက်လာသောရေလှိုင်းများက မဲနက်ကြမ်းတမ်း သည့် ကျောက်ဆောင်များကို ရိုက်ခတ်လွင့်စင်သွားခြင်းကို ကျွန်မငေးကြည့်ရင်း ရေလှိုင်းထဲမှ အရိပ်မဲလေးတစ်ခုကို ကျွန်မ ရိပ်ကနဲမြင်လိုက်သဖြင့် ကျွန်မ၏ ကင်မရာကို ချဲ့ကြည့်ရာ ထိုအရိပ်မှာ ပင်လယ်လိပ်တစ်ကောင်ဖြစ်ပြီး အေးချမ်းစွာ လှိုင်းစီးနေခြင်းပါ။ ၎င်း၏ရေယက်များကို ကားထားပြီး ငြိမ်ဝပ်စွာ ရှိနေသည်။ ဆားနံ့သင်းသောလေပြေလေညင်းသို့ ကျွန်မမျက်နှာမူလိုက်ပြီး ပြုံးလိုက်သည်။

"ကောင်းကင်သည် (ဘုရား၏)အံ့ဖွယ်သောအမှုတော်တို့ကို … ချီးမွမ်းကြ"၏ (ဆာ ၈၉:၅)။ ကျွန်ုပ်တို့၏ တုနှိုင်းမမီသောဘုရားသခင်သည် "သမုဒ္ဒရာဟုန်းခြင်း ကို အစိုးရတော်မူ၏။ လှိုင်းတံပိုးထသောအခါ ငြိမ်းစေတော်မူ၏"(:၉)။ ကိုယ်တော်သည် "လောကဓာတ်နှင့် လောကဓာတ်တန်ဆာများကို တည်တော်…

ခရမ်းရောင် ခြုံပုဝါ

ကျွန်မအိမ်နှင့်မိုင်ပေါင်းရာကျော်ဝေးသော ကင်ဆာစင်တာတွင် အမေအတွက် အတူနေစောင့်ရှောက်သူအဖြစ် လုပ်ကိုင်ပေးစဥ် ကျွန်မတို့အတွက်ဆုတောင်းပေး ရန် အခြားသူများကို ပြောခဲ့သည်။ လများစွာကုန်လွန်ပြီးနောက် တစ်သီးတစ်ခြား ဖြစ်ခြင်းနှင့် အထီးကျန်ခြင်းကြောင့် ကျွန်မအားလျော့လာသည်။ ခန္ဓာ၊ စိတ်နှင့် ခံစားချက်များ ဤမျှမောပန်းနေလျှင် အမေကို မည်သို့စောင့်ရှောက်နိုင်မည်နည်း။

တစ်နေ့တွင် သူငယ်ချင်းတစ်ယောက်က မျှော်လင့်မထားသောလက်ဆောင် ပို့ပေးခဲ့သည်။ ဂျိုဒီသည် ခရမ်းရောင်ခြုံပုဝါတွင် ဆုတောင်းချက်ကို ချည်ဖြင့်ထိုး ထားပြီး ကျွန်မတို့အတွက် နေ့စဥ် ဆုတောင်းပေးနေသူများရှိကြောင်း နွေးထွေးစွာ သတိပေးသည့်အနေဖြင့်ပေးပို့ခဲ့သည်။ နူးညံ့သောခြုံပုဝါကို ပုခုံး၌ ပတ်လိုက်တိုင်း သူ့လူများ၏ဆုတောင်းခြင်းအားဖြင့် ဘုရားသခင်သည် ကျွန်မကို ထွေးပွေ့ထား ကြောင်း ခံစားရသည်။ နှစ်ပေါင်းများစွာ ကြာပြီးနောက် ဘုရားသခင်သည် ကျွန်မ ကို နှစ်သိမ့်ပေးရန်နှင့် စိတ်ဓာတ်ကြံ့ခိုင်ရန် ဤခြုံပုဝါကို အသုံးပြုနေဆဲဖြစ်သည်။

တမန်တော်ရှင်ပေါလုက သူတစ်ပါးအတွက် ဆုတောင်းပေးခြင်းသည် အရေးပါပြီး စိတ်ဝိညာဉ်ကို လန်းဆန်းစေသောတန်ခိုးရှိကြောင်း အခိုင်အမာပြော ဆိုသည်။…

ဘေးကင်းလုံခြုံစွာ

အားပြည့်တက်ကြွသော မူကြိုကျောင်းသားအနေဖြင့် စေဗီယာသည် နေ့လည်ခင်း ငြိမ်ငြိမ်နေရသောအချိန်ကို ရှောင်သည်။ မကြာခဏဆိုသလို မလိုချင်သော်လည်း အမှန်လိုအပ်သောငြိမ်ဝပ်ချိန်သည် နေ့ခင်းတစ်ရေးတစ်မောအိပ်ချိန် ဖြစ်သွားပါ တော့သည်။ ထိုင်ခုံပေါ်တွင် လူးလွန့်လိုက်၊ ဆိုဖာပေါ်မှ လျောဆင်းကစားလိုက်၊ ကြမ်းပြင်ပေါ်ပြေးလိုက်၊ အခန်းဟိုဘက်ထောင့်မှ ဒီဘက်ထောင့်သို့ လူးလိမ့်ကစား လိုက်နှင့် ငြိမ်ဝပ်ချိန်ကိုရှောင်သည်။ "သားဗိုက်ဆာတယ် ... သားရေဆာတယ် ... သား ရှူးပေါက်မယ် ... သားကိုဖက်ထားပေးပါ" စသည်ဖြင့် အကြောင်းပြသည်။

ငြိမ်ဝပ်စွာနေခြင်း၏အကျိုးကျေးဇူးကို ကျွန်မနားလည်သောကြောင့် စေဗီယာအား ကျွန်မနံဘေး၌ လဲလျောင်းကာ သူ့ကို ထွေးဖက်လျက် ငြိမ်ငြိမ် နေစေပြီး အိပ်ပျော်သွားသည်အထိ ချော့သိပ်ရသည်။

ကျွန်မ၏ဝိညာဉ်ရေးရာအသက်တာ အစောပိုင်းကာလကို ကျွန်မသားလေး ၏အမြဲတက်ကြွစွာနေလိုသည့် အနေအထားနှင့် ထင်ဟပ်ကြည့်မိသည်။ ဆူညံသံ က မိမိ၏အားနည်းချက်နှင့်အခက်အခဲများအပေါ် စိုးရိမ်မှုမှ အာရုံလွဲစေသလို အလုပ်များခြင်းက အသိအမှတ်ပြုခံရသည်၊ အရေးပါသည်၊ ထိန်းချုပ်မှုရှိသည်ဟု ကျွန်မအား ခံစားစေမိပါသည်။…

မီးအိမ်ကို ဖွင့်လိုက်ပါ

ကျွန်မတို့ဇနီးမောင်နှံသည် နိုင်ငံခြားသို့ပြောင်းရွှေ့နေထိုင်ရန်ပြင်ဆင်ရင်း အရွယ်ရောက်ပြီးသောသားများနှင့် အဆက်အသွယ်အမြဲရှိရေးကို သေချာအောင် လုပ်ချင်ခဲ့သည်။ သို့နှင့် ထူးခြားသောလက်ဆောင်အဖြစ် ကြိုးမဲ့ အင်တာနက်ဖြင့် ချိတ်ဆက်ထားသော အဝေးမှအဖွင့်အပိတ်လုပ်နိုင်သော ခင်မင်မှုမီးအိမ်ကို တွေ့ခဲ့သည်။ သားတို့အား ထိုမီးအိမ်ကိုပေးရင်း မီးအိမ်ကို ကျွန်မဖွင့်လိုက်သည်နှင့် သူတို့မီးအိမ်ပါပွင့်သွားကာ ကျွန်မ၏မေတ္တာနှင့် အစဉ်ဆုတောင်းပေးမှုကို သတိရစေရန် ရည်ရွယ်ကြောင်းကို ရှင်းပြသည်။ ကျွန်မတို့ မည်မျှဝေးကွာနေပါစေ သူတို့ မီးအိမ်၏ခလုတ်တစ်ချက်သည် ကျွန်မတို့တွင်ရှိသောမီးအိမ်လေးကို လင်းစေပါသည်။ လူကိုယ်တိုင် ဆက်သွယ်မှုကို မည်သည့်အရာကမှ အစားထိုးနိုင်မည် မဟုတ်သော်လည်း မီးအိမ်လေးကို ဖွင့်လိုက်တိုင်း မိမိကိုချစ်သူ၊ ဆုတောင်းပေးနေသူရှိကြောင်းကို သိရခြင်းက အားတက်စရာပင်ဖြစ်သည်။

ဘုရားရှင်၏သားသမီးအားလုံးသည် သန့်ရှင်းသောဝိညာဉ်တော်၏တန်ခိုးအားဖြင့် အလင်းကိုဝေမျှနိုင်သောအခွင့်အရေး ရရှိကြသည်။ ကျွန်မတို့သည် ဘုရားရှင်၏ ထာဝရမျှော်လင့်ခြင်းနှင့် အကြွင်းမဲ့မေတ္တာတော်ကို ထွန်းလင်းပြသော မီးပြတိုက်ပမာ အသက်ရှင်ရန် ဖန်ဆင်းခြင်းခံကြရသည်။ ဧဝံဂလိတရားကိုဝေမျှလျက် ယေရှုနာမအားဖြင့် အခြားသူများကို အစေခံသောအခါ ကျွန်မတို့သည် တောက်ပလင်းလက်နေသောမီးမောင်း၊ အသက်ရှင်သောပုံသက်သေ…

ပုံသဏ္ဌာန်တူ

ကျွန်မတို့အပြင်ထွက်လည်စဉ် ငယ်စဉ်ကပင် ကျွန်မခင်ပွန်း၏မိသားစုဝင်များကိုသိသော အမျိုးသမီးတစ်ဦးနှင့် တွေ့ဆုံခဲ့သည်။ သူမသည် အယ်လင်နှင့် သားလေး ဇေဗီယာကို အပြန်အလှန် သေချာစွာစိုက်ကြည့်ပြီး “သူ့အဖေနဲ့ တစ်ထေရာတည်း၊ ပုံသဏ္ဌာန်တူတယ်”ဟု မှတ်ချက်ပေးသည်။ “သူ့မျက်လုံး၊ သူ့အပြုံးက သူ့အဖေနဲ့ တစ်ပုံတည်းပဲ”ဟု ပြောသည်။ အဖေနှင့်သား တစ်ယောက်နှင့်တစ်ယောက် အလွန်တူရုံမက အကျင့်ကအစ တူနေသည်ကို သတိပြုမိသဖြင့် သူသဘောကျ နေသည်။ သားအဖနှစ်ဉီးက နေရာတော်တော်များများတွင် တူညီသည့်တိုင် သားသည် သူ့အဖေနှင့် လုံးဝဥဿုံတော့ မတူညီပါ။

တစ်ပါးတည်းသောသားတော် သခင်ယေရှုသည် ခမည်းတော်နှင့် လုံးဝဥဿုံ ပုံသဏ္ဌာန်တူပါသည်။ သားတော်ခရစ်တော်သည် “မျက်မြင်မရသော ဘုရား၏ သဏ္ဌာန်တော်ဖြစ်ပြီး ဝေနေယျသတ္တဝါအပေါင်းတို့တွင်လည်း သားဦး ဖြစ်တော်မူ၏”(ကော ၁:၁၅)။ “ထိုသခင်အားဖြင့်လည်းကောင်း၊ ထိုသခင်အဖို့ အလိုငှာ လည်းကောင်း၊ ခပ်သိမ်းသောအရာတို့သည် ဖန်ဆင်းလျက်ဖြစ်ကြ၏” (:၁၆)။ “သားတော်သည်လည်း ခပ်သိမ်းသောအရာမဖြစ်မီ ဖြစ်တော်မူ၍ ခပ်သိမ်းသောအရာတို့သည် တန်ခိုးတော်အားဖြင့်သာ…

ချိုးနှိမ်၍မရသော ယုံကြည်ခြင်း

သူတို့၏သားဦး၌ အော်တစ်ဇင်(အထီးကျန်စိတ်ဝေဒနာ) လက္ခဏာရှိကြောင်း ဆရာဝန်များစစ်ဆေးတွေ့ရှိပြီးနောက် ဒါယန်းဒိုကိုကင်နှင့် ခင်ပွန်းတို့သည် ဉာဏ်ရည်မသန်စွမ်းကလေးကို တစ်သက်လုံးစောင့်ရှောက်ရမည့်အရေးအတွက် ဝမ်းနည်းခဲ့သည်။ ချစ်သားလေး၏အနာဂတ်အတွက် သူတို့၏အိပ်မက်၊ မျှော်လင့်ချက်များကို ပြောင်းလျက် ရုန်းကန်ခဲ့ရမှုကို Unbroken Faith စာအုပ်၌ သူဝန်ခံထားသည်။ သို့သော် နာကျင်မှုဖြစ်စဉ်တစ်လျှောက်လုံး ဘုရားသခင်သည် သူတို့၏ဒေါသ၊ သံသယနှင့်ကြောက်ရွံ့မှုများကို ဖြေရှင်းပေးခဲ့ကြောင်း သူတို့ သင်ယူခဲ့ရသည်။ ယခု သားလေးအရွယ်ရောက်လာချိန်၌ သူ့အတွေ့အကြုံ များကို အသုံးချကာ အထူးဂရုစိုက်မှုလိုသောကလေးများ၏ မိဘများကို ဒါယန်း အားပေးမစသည်။ ဘုရား၏မပျက်ကွက်သည့်ကတိတော်၊ အကန့်သတ်မဲ့ တန်ခိုးတော်၊ မေတ္တာနှင့်သစ္စာတော် တို့ကို ပြောပြလျက် ဘဝလမ်းတစ်ကွေ့ကွေ့၌ အိပ်မက်နှင့်မျှော်လင့်ချက်တို့ ပျောက်ဆုံးသွားပါက ဝမ်းနည်းကြေကွဲမှုကိုခံစားရရန် ဘုရားရှင် အခွင့်ပေးကြောင်း သူအခိုင်အမာ ပြောပြ၏။

ဟေရှာယ ၂၆ ၌ “ထာဝရဘုရားသည် နိစ္စထာဝရခိုလှုံရာဖြစ်တော်မူ”၍ (:၄) ဘုရား၏လူများအဖို့ ကိုယ်တော်ကို အစဉ်ကိုးစားနိုင်ကြောင်း ပရောဖက်ကြီး ပြောထားသည်။…

ဝတ်ပြုကိုးကွယ်ခြင်းဘဝပုံစံ

ခရစ်ယာန်အစည်းအဝေးတစ်ခုတွင် မနက်စာ ဘူဖေးစားရန် တန်းစီစောင့်နေစဉ် အမျိုးသမီးတစ်စု ထမင်းစားခန်းထဲသို့ဝင်လာသည်။ ကျွန်မနောက်မှာ တန်းစီသည့်အမျိုးသမီးကို ကျွန်မပြုံးပြလိုက်ပြီး မင်္ဂလာပါဟု နှုတ်ဆက်လိုက်ရာ သူမက “ကျွန်မရှင့်ကိုသိတယ်” ဟုပြန်ပြောပါသည်။ ကြက်ဥမွေကြော်ကိုခပ်ထည့်ရင်း ဘယ်မှာဆုံခဲ့ပါလိမ့်ဟု ကြိုးစား၍အဖြေရှာမိသည်။ သို့သော် ကျွန်မစိတ်၌ တစ်ယောက်ယောက်နှင့် အမှတ်မှားခြင်းဖြစ်မည်ဟု သေချာနေခဲ့သည်။

နေ့လည်စာစားချိန်တွင်လည်း ထိုအမျိုးသမီး ကျွန်မထံချဉ်းကပ်လာပြီး “ရှင် ကားအဖြူမောင်းတယ်မဟုတ်လား” ဟုမေးပါသည်။ ကျွန်မလည်း ပုခုံးတွန့်ပြပြီး “မောင်းခဲ့ဖူးတယ်။ ကြာပါပြီ” ဟု ပြန်ဖြေလိုက်သည်။

သူမက ရီလိုက်ပြီး “မူလတန်းကျောင်းနားကမီးပွိုင့်မှာ တို့တွေ မနက်တိုင်းနီးပါး ပွိုင့်မိဖူးတယ်လေ။ ရှင်က လက်တွေမြောက်ပြီး ပျော်ရွှင်စွာနဲ့ သီချင်းအမြဲဆိုတော့ ဘုရားကို ချီးမွမ်းကိုးကွယ်နေတာလို့ ကျွန်မတွေးခဲ့တယ်။ ကျွန်မမှာ ရှင်နဲ့အတူ သီချင်းဆိုချင်တဲ့စိတ် ဖြစ်ခဲ့တယ်။ ခက်ခဲတဲ့နေ့တွေမှာတောင်ပေါ့” ဟု ပြောပြသည်။ ဘုရားရှင်ကို ချီးမွမ်းလျက် အတူဆုတောင်းပြီး ကျွန်မတို့တစ်ဦးနှင့် တစ်ဦး ပွေ့ဖက်မိသည်။…

လင်းလက်တောက်ပမှုမလို၊ ဘုန်းတော်သာလို

ကျွန်မ၏သား နှစ်များစွာပြုလုပ်ခဲ့သော ခရစ္စမတ်အဆင်တန်ဆာလက်မှုများနှင့် နှစ်စဉ်သူ့အဖွားပေးပို့သော မလိုက်ဖက်သည့် အဆင်တန်ဆာမျိုးစုံကိုကြည့်ပြီး အဘယ်ကြောင့် ကျွန်မကျေနပ်မှုမရှိပါလိမ့်ဟု စဉ်းစားမရပါ။ လက်မှုတစ်ခု ချင်းစီ၏ပုံဆောင်ချက်နှင့် ဖန်တီးမှုအမှတ်တရများကို ကျွန်မအမြဲ တန်ဖိုးထားခဲ့သည်။ သို့သော် စျေးဆိုင်များ၌ ခင်းကျင်းပြသထားမှုများက လိုက်ဖက်လှပသောမီးလုံးများ၊ တလက်လက်နှင့်တောက်ပသောဘောလုံးလေးများ၊ ပြောင်လက်သောဖဲပြားများဖြင့် ဆင်ယင်ထားသော ခရစ္စမတ်သစ်ပင်ကို ဆင်ရန် ကျွန်မကို အဘယ့်ကြောင့် ဆွဲဆောင်နေသနည်း။

ကျွန်မတို့၏အညတရအပြင်အဆင်မှ မျက်နှာလွှဲလိုက်စဉ် အနီရောင် အသဲနှလုံးပုံပေါ် ရိုက်နှိပ်ထားသော “ယေရှု - ကျွန်ုပ်၏ကယ်တင်ရှင်” ဟူသော ရိုးရှင်းသောစာကြောင်းကို ဖြတ်ခနဲမြင်လိုက်သည်။ ကျွန်မနှင့် ကျွန်မမိသားစုတို့၏ ခရစ်တော်၌ရှိသောမျှော်လင့်ခြင်းသည် ခရစ္စမတ်ကို နှစ်ခြိုက်စွာကျင်းပရသည့် အကြောင်းရင်းဖြစ်ကြောင်း ကျွန်မအဘယ့်ကြောင့် မေ့သွားပါလိမ့်။ ကျွန်မတို့၏ အပင်ရိုးရိုးလေးက ဆိုင်မှသစ်ပင်နှင့်မယှဥ်သာသော်လည်း အပြင်အဆင် တစ်ခုစီ၌ရှိသော ချစ်ခြင်းမေတ္တာသည်သာ အလှတရားကို ဖြစ်စေပါသည်။

ကျွန်ုပ်တို့၏မထယ်ဝါသောသစ်ပင်ကဲ့သို့ မေရှိယသည် လောကမှ မျှော်လင့်ထားသောအချက်များနှင့်တစ်ခုမျှ မကိုက်ညီပါ (ဟေရှာ ၅၃:၂)။…

တစ်သင်းတစ်ဖွဲ့တည်း

ဖီလာဒဲဖီးယားလင်းယုန် လက်ပစ်ဘောအဖွဲ့၏တိုက်စစ်မှူး ကာဆင်ဝက်ဇ် သည် ဒဏ်ရာအပြင်းအထန်ရပြီး ကုသမှုခံယူပြီးနောက် ကွင်းထဲသို့ပြန်လာချိန်တွင် အရန်တိုက်စစ်မှူး နစ်ဖိုးစ် က အသာတကြည် အရန်ခုံတန်းလျား၌ ထိုင်ခဲ့သည်။ တူညီသည့်ရာထူးနေရာအတွက် ပြိုင်ဆိုင်နေရသော်လည်း သူတို့သည် တစ်ဉီးကိုတစ်ဉီး ထောက်ပံ့ရန် ရွေးချယ်ခဲ့ပြီး မိမိကျရာကဏ္ဍတွင် ယုံကြည်ချက်အပြည့်ရှိခဲ့သည်။ “ဤအားကစားသမားနှစ်ဉီးသည် ခရစ်တော်၌ယံုကြည်ခြင်းတွင် အခြေတည်သည့် ထူးခြားသောပတ်သက်ဆက်နွယ်မှုရှိပြီး ၎င်းကို တစ်ဉီးနှင့်တစ်ဉီး အပြန်အလှန် ဆုတောင်းပေးခြင်းဖြင့် ပြသနေသည်” ဟု သတင်းသမားတစ်ဉီးက ပြောကြား ခဲ့သည်။ သူတို့သည် လင်းယုန်အဖွဲ့၏တိုက်စစ်မှူးများဖြစ်ယုံမက သခင်ယေရှုကို ကိုယ်စားပြုနေသည့် ယံုကြည်သူများဖြစ်ပြီး အသင်းတစ်သင်းတည်း၏ အသင်းသားများဖြစ်သည်ကို သတိရလျက် ဘုရားဘုန်းထင်ရှားစေခဲ့သည်။

တမန်တော်ရှင်ပေါလုက ယံုကြည်သူတို့အား သခင်ယေရှု ပြန်ကြွလာခြင်းကိုစောင့်နေသော “အလင်း၏သားများ”ကဲ့သို့ အသက်ရှင်ရန် သတိပေးထားသည် (၁ သက် ၅:၅-၆)။ ခရစ်တော်ပေးသော ကယ်တင်ခြင်း၌ ကျွန်ုပ်တို့၏မျှော်လင့်ခြင်း အတွက် စိတ်ချမှုရှိပြီးဖြစ်၍ သဝန်တိုမှု၊ မလုံမလဲဖြစ်မှု၊…